თანხის დაბრუნების პოლიტიკა

ბოლო განახლება: 2026 წლის 8 ოქტომბერი

გვინდა, ყველა მომხმარებელმა მომუშავე eSIM მიიღოს. თუ ასე არ მოხდა, აქ წერია, როდის და როგორ დაგიბრუნდებათ თანხა.

როდის გიბრუნდებათ სრული თანხა

• eSIM არ დაგიყენებიათ და არ გაგიაქტიურებიათ, ინტერნეტი არ გამოგიყენებიათ - მაგალითად, თუ მოგზაურობა გადაიდო ან გაუქმდა.
• eSIM ვერ მოგაწოდეთ და პრობლემის მოგვარება ვერ შევძელით.
• eSIM არ მუშაობს ჩვენი ან ქსელის ხარვეზის გამო და მისი გამოსწორება ვერ ხერხდება.

როდის არ ბრუნდება თანხა

• თუ eSIM-ზე ინტერნეტი უკვე გამოყენებულია - გარდა იმ შემთხვევისა, როცა ის ჩვენი ან ქსელის ხარვეზის გამო შეწყდა.
• პაკეტის მოქმედების ვადის გასვლის შემდეგ.
• თუ პრობლემა გამოწვეულია ტელეფონით, რომელსაც eSIM-ის მხარდაჭერა არ აქვს ან ოპერატორზეა დაბლოკილი, წაშლილი eSIM-ით ან ტელეფონის პარამეტრებით. ასეთ დროსაც ჯერ ყოველთვის ვეცდებით, eSIM-ის ამუშავებაში დაგეხმაროთ.

შევსებაზე იგივე წესები ვრცელდება, რაც იმ eSIM-ზე, რომელსაც ის დაემატა.

ფასდაკლებები და სასაჩუქრე კოდები

• პრომოკოდით მიღებული ფასდაკლება ფულად არ ანაზღაურდება: გიბრუნდებათ მხოლოდ ის თანხა, რომელიც რეალურად გადაიხადეთ.
• თუ შეკვეთის ნაწილი სასაჩუქრე კოდით გადაიხადეთ, ეს ნაწილი სასაჩუქრე კოდს დაუბრუნდება და არა ბარათს.

როგორ მოითხოვოთ თანხის დაბრუნება

მოგვწერეთ ჩატში ან მისამართზე support@gigify.ge. მიუთითეთ ელ-ფოსტა, რომლითაც შეკვეთა გააკეთეთ, და რომელ eSIM-ს ეხება საკითხი (შეკვეთის ბმული ძალიან დაგვეხმარება). ჩვენ ქსელთან ვამოწმებთ eSIM-ის სტატუსს - მაგალითად, დაყენებულია თუ არა და გამოყენებულია თუ არა ინტერნეტი.

რა დრო სჭირდება

• თანხის დაბრუნების მოთხოვნას რაც შეიძლება მალე ვპასუხობთ, ჩვეულებრივ, რამდენიმე სამუშაო დღეში.
• დამტკიცებული თანხა ბრუნდება იმავე ბარათზე ან გადახდის საშუალებაზე, რომლითაც გადაიხადეთ. ბანკს თანხის ასახვას შეიძლება რამდენიმე სამუშაო დღე დასჭირდეს.
• თანხის დაბრუნების შემდეგ eSIM ითიშება და მისი გამოყენება აღარ იქნება შესაძლებელი.